Nieuwe Haven—E dos kompanianan ku tabata yuda finansiá hür na Bullenbaai, Knob Trading i Lead Group, ámbos di Panama ta buskando 2 mion dòler ku a disparsé despues di a manda e sèn riba kuentanan bankario di unu di e kompanianan ku a gana bidding na Refineria Isla.

Tabata pagonan ku via di kuentanan Wells Fargo a pasa pa supuestamente unu di e kompanianan ligá ku e konsorsio di CPR Holding, paga hür na Bullenbaai. Pero e sèn a kita for di kuentanan di Knob Trading i subi kuenta di e kompania intermediario, pero nunka mas a yega riba kuenta di Refineria di Kòrsou.

Na e momentonan aki tantu CPR BV, Lead Group i Knob Trading ta buskando esnan responsabel pa yega korte sivil den un claim ku por bira penal tambe. Ta sospecha ku e despues ku Refineria di Kòrsou su bankonan korespondiente tabata duda den e pagonan, no tabata posibel depositá e sèn mas via kuentanan na Kòrsou.

Konsekuentemente a pago mionario destiná pa pago di hür na Bullenbaai a keda pegá i despues a “vanish”. No ta konosí kiko a sosodé ku e pago di 2 mion dòler. E sèn nunka a yega Kòrsou miéntras Knob Trading i Lead tampoko no a risibi e pago bek, despues ku Refineria di Kòrsou no a risibi e depósito.

Tur esakinan ta resultado di mal investigashon ku RdK/CRU a laga hasi riba kumplimentunan responsabel promé di a asumí e konsorsio di CPR komo bidder preferí den proyekto pa skohe un sosio stratégiko pa Refineria Isla.