WILLEMSTAD, — Rennox Calmes ta manda un komunikado den kual e ta hasi pregunta riba Gabinete Pisas su maneho. E parlamentario ta bisa ku reparashon di pasado di sklabitut no ta kuminsá ku sèn.

Djaluna dia 26 di mart ta dia internashonal di Nashonnan Uni den kual ta para ketu riba e víktimanan di sklabitut i e tráfiko di esklabonan transatlántiko. Parlamentario Rennox Calmes a hasi sierto pregunta via komunikado, den kual e ta puntra minister presidènt Gilmar Pisas su atenshon pa loke reparashon di pasado di sklabitut. E parlamentario ta bisa ku a sera konosí ku :”ten point plan” ora ku a bai investigá kon ta repará pasado di sklabitut pero ku Hulanda a ofresé 200 mion pa reparashon. Calmes a bisa ku tin di nos a bisa ku nò i ku tin kaminda pa kana kon pa hasi e reparashon kual ta via Nashonnan Uni. Calmes ta bisa ku via Sint Maarten a yega na e “10 point plan” ku a wòrdu trahá dor di Universidat West Indies, un universidat di Karibe.

Den e 10 stapnan aki, reparashon no ta kuminsá ku e parti di sèn Calmes ta bisa. Calmes ta bisa ku minister presidènt a laga sa den reunionnan ku MFK, pa no laga Trabou di Kòrsou yama e reunionnan pa reparashon di sklabitut. Segun Calmes no ta asina asina ta tuma un suma, pero mester kana un kaminda pa investigashon via un òf otro instansia independiente pa hasi e investigashon nesesario pa asina wak kon ta repará pasado di sklabitut. Calmes  a bisa ku e no ta kere ku ta bai yama su reunionnan dilanti paso segun Calmes “mi tin un asiento i esaki ta hasi e kos fèrfelu”.

Sr. Calmes ta mustra riba área nan ku Gabinete Pisas a keda ketu riba djé i no ta informando pueblo. Ta área nan ku pa un pais krese, mobilisá bai dilanti i krea laso ku otro paisnan di Karibe, ta importante. E parlamentario ta puntra ta kon ta para pa Kòrsou bira miembro di un of otro manera Caricom? Kiko a para ku asuntu di dekolonisashon? Segun Calmes Gabinete Pisas no ta mustra interes pa investigá esakinan. Kon a para ku hinter e proseso di dañonan hasi den tempu di sklabitut i reparashon pa esakinan? Trabou pa Kòrsou a presentá e “ten point plan” ku otro paisnan den Karibe a uza i logra. Unda por mira i sinti avanse di formashon patriótiko bou di Gabinete Pisas, Calmes ta bisa.

Unda a tuma lugá kambionan simbóliko fundamental i signifikativo pa pueblo riba e área di patriotismo i eliminá kolonialismo?