Òktober:  falta algun luna pa kuenta final di Ennia ta konosí mediante un desishon di Korte.

Punda—24 Òktober próksimo, Tribunal Sivil tin riba ròl pa sigui trata un derivado den kaso Ennia. Partidonan mester entrega nan rapòrt di eksperto riba balor di Mullet Bay. Miéntras esaki no tuma lugá, no por saka e kuenta final di Ennia.

Na e momentonan aki pa rekompilá, grupo Ansary i eks direktornan a keda penalisa pa paga 260 mion florin. E tribunal di tres wes den apelashon a modifiká, te ainda pendiente un tratamentu na òktober próksimo, e sumanan kual a keda kalifiká komo gastunan “eksesivo”. Esaki den kuadro di e kaso Ennia, kual a konosé su veredikto intermediario den Apelashon. Segun korte te ainda, grupo Ansary a keda penalisa na paga 260 mion florin. Na Òktober próksimo, lo balotá Mullet Bay, unda sin duda e balor lo no kubri 100% lokual a saka for di Ennia, pero lo kubri un parti, komo :collateral” unda e claim lo oumentá mas haltu ku 260 mion florin. Konforme opinion di e Tribunal durante apelashon kombiná ku e aktual balotisashonnan di Mullet Bay, por yega na un claim di entre 550 pa 600 mion florin riba Grupo Ansary. En todo kaso ta sigur ku e claim ya no ta yega 1.2 miar florin mas pues no tin nesesidat pa buska fiansa ni pagonan for di Servisio Regulatorio riba e suma ei.

Si Ansary ta dispuesto na paga, lokual chèns ta kasi mínimal, esaki lo baha e peso riba e Servisio Regulatorio di Gobièrnu. E desishon di Korte na Òktober próksimo, lo duna un mihó bista kiko e daño final di Ennia ta. E Tribunal di Tres wes a duna órden pa partidonan yega na un balotashon di Mullet Bay, pa Korte di Hustisia por averiguá si un suma di kasi 700 mion florin di sakeo for di Ennia ta responsabilisá. For di 2002 te ku 2021, tabatin por lo ménos 13 kalkulo riba e balor di Mullet Bay. Mullet Bay ta balorá aktualmente segun Parman International na 770 mion florin miéntras segun Banko Sentral, e balor di Mullet Bay no ta surpasá 90 mion florin. Un diskrepansha enorme entre e dos partidonan. E balor ta importante, pasobra esaki ta anotá komo aktivo serka EC Investment, kende a uza entre otro e balor aktivá di Mullet Bay pa por responsabilisá invershon via di Ennia Caribe Leven pa bolsa internashonal di balor. Den bukinan di Ennia, ta papiando di 770 mion florin.   Pues 770 mion florin a sirbi ku un tipo di “collateral” pa EC Investment por a uza sèn di Ennia Caribe manda pa Parman International B.V. por a uza riba bolsa di balor estado unidense.  770 mion kita 90 mion ta un diferensha grandi di 680 mion florin.