ETTEN-LEUR–Polis a detené 3 hòmber i un dama (52) di Willebrord despues di un pelea ku a surgi na suidat di Etten-Leur.

Den e pelea 3 agente polisial a resultá heridá. Polis a risibí djadumingu anochi alrededor di 9:30’or notifikashon di un pelea riba Raadhuisplein i e marshe durante di un kareda di baiskel. Despues di a plakia e pelea i polis a kuminsá kòmbersá ku e bringadónan pa de eskalá e situashon. Na e momento aki un pelea nobo a start kaminda a kuminsá menasá polis i personal di seguridat na e sitio. Segun polis ku e menasa tabata asina serio ku polis mester a usa nan klòp i forma un kordon pa asina tene e públiko riba distansha. Tambe a pidi asistensia di mas agente polisial for di diferente tim den region. Polis i personal di seguridat tabatin nan mannan yen pa trata di restourá órden públiko. Na vários okashon a ataká e polisnan ku moketa i a tira skòp riba nan. Tabata tira artefaktonan riba polis. 3 polis i un kantidat deskonosí di suidadano a resultá heridá. Al final a detené 4 persona pa violensia públiko. E agentenan polisial a hasi denunsia ku maltrato. E 4 sospechosonan ta detené ainda den kuadro di e investigashon. Motibu pa e pelea te ainda ta deskonosí.