Forma ku e bùs a keda despues di e insidente lamentabel aki.

INDIA – Un total di 37 persona a pèrdè nan bida den oranan di djárason na Cachemira, atministrá pa India, despues ku e bùs den kua nan tabata biaha a kai for di un baranka.

E aksidente a tuma lugá na e distrito di Doda, na e divishon di Jammu i a kousa morto di 37 persona, miéntras ku otro 19 mas a resultá heridá. Esaki segun loke a keda informá pa e vise minister di Siensia i Teknologia di India, Jitendra Singh.

Singh a agregá ku e heridonan ta keda transportá pa sentronan médiko di e distrito.

E outoridatnan no a presisá te ainda e kousanan di e aksidente. E promé imágennan ta e aksidente ta mustra e vehíkulo di pasahero di bòltu na un baranka, totalmente destrosá. Esaki miéntras ku un grupo grandi persona ta hasi esfuerso pa saka e víktimanan for di interior di e vehíkulo.

Ademas, a anunsiá tambe un kompensashon di 200.000 rupia, masoménos 2.400 dòler, pa famianan di e víktimanan mortal i masoménos 50.000 rupia, masoménos 60 dòler, den kaso di esun nan heridá.