Willemstad,– Minister Kenneth Gijsbertha ta determiná pa bini ku e Lotto pa deporte promé ku e periodo di gobernashon aktual terminá.
Minister Gijsbertha ta bisa ku e negosiashonnan ta den fase final i ku gobièrnu a pidi diferente alternativa pa Lotto pa deporte i ku ya pa otro siman tur kos lo ta kla i pa firma un akuerdo ku e kompania ku lo bai atendé ku e Lotto aki. Minister Kenneth Gijsbertha ta bisa ku e fé ku esaki lo bira realisabel promé ku e periodo di gobernashon aki terminá. E ta splika ku esaki sigur lo ta un alivio pa deporte i kultura ku a pasa den basta problema e último añanan pa loke ta e parti finansiero.