KONTENTU a hasi su grand opening ayera
Willemstad- KONTENTU ku ta para pa ‘Content Made For You’ i ta enfoká riba produkshon di kontenido ku ta positivo.
KONTENTU a habri ofisialmente ayera ku algun ‘Master Class’ den e área di komunikashon. Banda di esaki tambe nan a ‘showcase’ e servisionan ku nan ta ofresé no solamente ku e ‘Master Class’ nan pero tambe ‘Podcasting’ kual ta algun di servisionan ku KONTENTU ta brinda.
En prinsipio di e ‘Master Class’ nan ta tumando lugá durante ayera i awe i lo ser duná dor di 4 profeshonal den e área di komunikashon. Esakinan ta Lilo Sulvaran, Sheryl Losiabaar, Jefka Alberto i Shima Jimenez. E klasnan aki a ser duná grátis na kompanianan di Kòrsou pa asina nan por tin mas informashon riba e parti di komunikashon i tambe mira kiko tur KONTENTU tin di ofresé.
Mester bisa ku e reakshon nan riba e apertura tabata hopi bon mirando ku tabata tin hopi persona i kompanianan ku a registrá i tabata tin un ‘Full house’ kual ta eksaktamente loke ta bai spera awe tambe. Esaki sigur ta bon notisia pa KONTENTU mirando kuantu hende ta interesá i ke eksperensiá KONTENTU.
KONTENTU ta para pa komunikashon positivo i nan meta ta pa siña Kòrsou komuniká. Den futuro por spera ku KONTENTU lo sigui yuda trese notisia positivo i tambe yuda pa Kòrsou ta mas KONTENTU. Esaki ta pa motibu ku Kòrsou no tin notisianan negativo so, pero tambe tin hopi kos positivo.