Segun Pisas CMC a risibí 2 mion florin komo sosten di likides.

Willemstad— Gobièrnu di Kòrsou a pone 2 mion florin komo sosten di likides pa asina por yuda CMC durante momentunan di krísis. Esaki segun promé Minister Gilmar Pisas. Segun Pisas, awor ta den man di direktor di CMC sr. Gilbert Martina, pa e trabounan por kuminsá kana.

A hasi un petishon na direktor di CMC  Gilbert Martina pa por a haña sigur e presupuesto di lokual promé minister a enfatisá durante último  rueda di prensa riba dje. Esaki tabata ku e fondonan finansiero di Kòrsou na e momentunan aki ta limitá i p’esei Hulanda a hasi petishon di un resúmen di kon lo bai kòrta den CMC. Segun Pisas a  entrega e dokumentonan aki kaba.

A logra risibí un presupuesto i esaki normal por kana dos (2) trayekto kuné di kual unu ta ku nan ta buska fondonan lokal anto dos ta ku por a buska fondonan via di Reino. Ku e presupuesto ta tratando na risibí 40 enfermero i 8 spesialista médiko. Huntu ku esaki tin e kostonan di alohamentu. Segun Pisas i minister di Salubridat, Dorothy Janga, ántes tabatin un presupuesto di 3 mion florin for di kual kasi 30% tabata bai na alohamentu di e personal internashonal.

Segun Pisas, na momento a bai analisá e situashon a bin realisá ku un tersera parti, esta 1 mion ta destiná pa alohamentu. Segun e promé minister, komparando e gastunan anterior lo nifiká ku miónes lo bai na pago di hotèl. Pa tal motibu, Gobièrnu a  yega na pone e suma di 2 Mion florin pa por aliviá e situashon aki na korto paso.

Segun Pisas for di e 2 mion florin, direktor di CMC, Gilbert Martina mester hasi adaptashonnan i buska lokalidat mas barata pa asina por aloká e enfermeronan ku sigur tin ku bai duna Kòrsou un man den CMC. Esaki ta e nota positivo unda ku sigur e ehersisionan a wòrdu hasi pa por a yega na e fondonan aki i awor ta na e direktor di CMC pa hasi e ehersisionan. Ta spera ku e enfermeronan por yega den 3 dia Kòrsou despues.