E ministernan i representantenan di Reino Hulandes di e paisnan konstituyente a reuní pa firma un Memorandum of Understanding (MoU) pa traha konhunto pa kombatí violensha doméstiko i abuzu di mucha.

Willemstad, — Dia 31 di òktober último, ministernan i representantenan di Reino Hulandes a firma un akuerdo den kual lo kolaborá pa asina atendé ku violensha doméstiko i abuzu di mucha di un manera integral.

E ministernan i representantenan di Reino Hulandes i e paisnan konstituyente a reuní pa firma dos Memorandum of Understanding (MoU). E promé MoU ta konserní kolaborashon entre e islanan den Reino Hulandes pa asina kombatí violensha doméstiko i abuzu di mucha.E di dos MoU ta konserní detayenan di kolaborashon konhunto entre e islanan den Reino Hulandes riba derechinan di mucha.

E MoUnan ta representá un kompromiso signifikante pa traha kolektivamente durante e próksimo sinku aña pa kombatí abusu doméstiko i maltrato di muchanan. Dor di e akuerdo aki, e partner ku a firma ta prometé di kambia konosementu i kolaborá riba inisiativanan ku tin komo meta di logra e ophetivo importante aki pa kombatí abusu doméstiko i maltrato di muchanan.

E grupo di trabou ‘No Mas No More’ a wòrdu establesí despues di un konferensiá ku a keda tené na Aruba na aña 2018. Ku representante di tur entidat públiko den Reino Hulandes i e paisnan konstituyente, e grupo di trabou a firma i ta komprometé nan mes pa harmonisá nan polítika ku ta trata di abusu doméstiko i maltrato na muchanan. Huntu nan ta dediká pa krea un ambiente mas sigur i mas seif pa tur hende.

E firmamentu di e akuerdo ta parti di un konferensiá amplio ku ta tuma lugá for di 31 di òktober te na 2 di novèmber, kaminda lo diskutí e tópikonan di Edukashon Seksual i violensha Seksual. Lo ta bai tin un diálogo entre personanan ku ta traha den polítika i tambe ekspertonan ku ta traha den e areanan konserní di violensha doméstiko i abuzu di mucha.