Willemstad——Ku plaser Advent Hospital ta anunsiá apertura di su poli-klinika pa sirugia di wowo! E ekspanshon akí ta reflehá nos kompromiso kontinuo pa sigui brinda servisionan profeshonal na pueblo di Kòrsou.  P’esei, risibí esaki komo un invitashon personal pa akudí na e servisio akí. 

Na e momentonan akí nos a habrí pa atendé pashèntnan ku tabata den espera di un operashon di wowo.  No mester warda mas! Advent Hospital, ku mas di 15 aña di ekperensia den sirugia di wowo, ta awor mas prepará ku nunka pa brinda sirugia di wowo integral.  

Tuma nota ku durante di e siman di 18 dezèmber te ku 22 di dezèmber 2023 e promé dòkter di wowo di México, Dr. D. Cosmes, lo ta na Kòrsou pa hasi e sirugianan.  Esaki ta bo oportunidat. Bira yama mes ora, asina ku bo por ta sigur di bo sirugia promé ku aña bòltu, i habri aña nobo ku wowo nobo nobo. Dr. Torres lo ta e dòkter ku lo atendé bo na nos poli-klinika di wowo, i e lo hasi tur e preparashonnan pa e sirugia.

Si bo ta riba lista di espera pa un sirugia di wowo, nos ta urgi bo, pa manda un mensahe via whatsapp  na 5999-660-0084  i nos lo yama bo bèk pa un sita. Pashèntnan riba e lista di espera tin prioridat pa risibí e atenshon ku nan ta wardando riba dje pa largu tempu kaba.  Nos ta sigurá bo un sita dentro di dos siman di tuma kontakto ku nos.  Naturalmente esnan ku no ta riba lista di espera, pero ku mester di atenshon pa nan wowo, tambe por manda mensahe libremente via e number di whatsapp pa un sita.