WILLEMSTAD,—-Un tras di otro gruponan di karnaval grandi ta bai demostrá nan trahe nan. Pa loke ta trata temporada di karnaval 2024, informashon ku Vigilante Farándula ta disponé di dje, ta duna di konosé ku “Grupo A’Legria”, ta bai show su trahe nan dia 22 di òktober binidero.

Loke ku sigur a hala Vigilante Farándula su atenshon, ta e echo ku e la keda pone na altura ku dia 22 di òktober Grupo “A’Legria”,ta bai show un total di 12 pa 15 trahe. Ya ta konosí ku e grupo di Karnaval menshoná ta bai marcha di karnaval 2024 ku tres agrupashon musikal i un sekshon urbano.

E tres agrupashon musikal nan ku ta bai kompaña Grupo “A’Legria”,otro ana ta “ICONS, Qsign i Cache Royale i pa loke ta trata e sekshon urbano, esaki lo bai ta den man di Dj RO-1, kompañá pa diferente artista urbano. Ainda e sitio kaminda ku e show di trahe ta bai tuma lugá no ta konosí.

pero loke si ku ta konosí pa Vigilante Farándula, ta e echo ku durante di e show lo bai tin presentashon di agrupashon musikal “ICONS”, i Dj RO-1,pa asina pone tur e miembro nan, kuminsá sinti e sabor i dulsura di e ambiente di temporada di karnaval 2024.