WILLEMSTAD,—-Ora ku tur hende a kere ku Kenley Jansen lo a hala tras pa loke ta trata grupo di karnaval “A’legria” i pone un punto final tras di esaki, awèl tur hende a keda mal informashon.

Ta asina ku ayera Vigilante Farándula a keda poné na altura ku den e dianan tras di lomba tabatin reunionnan tumando lugá via telefon. Esaki entre Archel Calister ku ta gerente di agrupashon musikal “Cache Royale” i Kenley Jansen ku ta gerente di agrupashon musikal “ICONS”. No a dura mashá ku e desishon a kai riba e dia di ayera ku grupo “A’legria” ta bai marcha 2024 ku e parti musikal formá pa agrupashonnan musikal “ICONS, Cache Royale i Dj RO-1”.

Pues si mira bon, por bisa trankil ku e wega a bòltu,paso di bèrdat tabatin kòmbersashonnan hopi serio tabata tumando lugá kaminda ku e chèns tabata hopi grandi ku agrupashon musikal “GENTZ TRE’CHIC” lo bai karnaval ku grupo “A’legria”. Pero na final Archel Calister a dal un honron, paso “Cache Royale” tambe ta di dje.