Kòrsou, — Un kolaborashon inovativo entre Javier Silvania, Minister di Finansa di Kòrsou, i e prestigioso World Poker Tour® (WPT®) ta duna apertura na e promé gran evento di e industria di wega di azar di Kòrsou.  E konferensia “Minister di Finansa den Asosiashon ku SiGMA” ta marka un momento krusial pa Kòrsou, destakando su surgimento komo un hurisdikshon revitalisá den e esenario internashonal di wega.

World Poker Tour lo organisá e torneo di poker WPT Curaçao Invitational riba 25 di sèptèmber na Dreams Curaçao Resort, dunando un preludio adekuá pa e evento di SiGMA. Atraendo mas ku 100 hungadó for di diferente sitio, inkluyendo hungadónan invitá, klasifikadonan di torneonan satelital online i individuonan for di e sala di poker di Kòrsou mes, e torneo ta primintí di bira un anochi di abilidat i drama.

“Komo un marka global, nos ta kontentu di ta parti di e desaroyo di e industria di wega di Azar na Kòrsou”, CEO di WPT, Adam Pliska, a bisa. “E evento aki lo ta un gran trampolin pa e ekspanshon di poker na Kòrsou.” E punto di enfoke di e torneo, e “mesa prinsipal”, lo inkluí hungadónan di poker profeshonal di e tim di WPT den un bataya kaptivante pa e trofeo ganadó i e premio akumulá kalkulá na te ku $85,000. Ta importante pa menshoná ku e alkanse di e torneo ta ekstendé na e komunidat lokal, dunando nan e oportunidat pa partisipá direktamente i eksperimentá e emoshon personalmente.

Bishitá sigma.world/curaçao pa informashon i registrashon. Minister di Finansa ta yama un bon biní na World Poker Tour i e evento ekslusivo i eksitante aki. E logro aki ta sirbi komo muestra di sosten di WPT na fabor di e evolushon di regulashon di wega di azar na Kòrsou, ku lo mehorá e balor ekonómiko i di reputashon di e isla.

Tokante World Poker Tour
World Poker Tour® (WPT®) ta e nòmber prinsipal den wega di azar i entretenimentu televisá internashonalmente ku presensia di marka den torneo na tera firme, televishon, online i mobil. Liderando inovashon den deporte di poker for di 2002, WPT a sende e hype mundial di poker ku kreashon di un programa di televishon úniko basá riba un seri di torneo di poker di riesgo halto. WPT a transmití mundialmente den mas ku 150 pais i teritorio i aktualmente ta produsí su di 21 temporada, ku ta transmití via Bally Sports na Merka. E di XXI temporada di WPT ta di spònser pa ClubWPT.com. ClubWPT.com ta un sitio online úniko di miembronan ku ta ofresé akseso interno na WPT, i tambe un klup di poker basá riba sorteo disponibel den 43 siudat i teritorio merikano, Australia, Canada, Francia i Reino Uní. WPT tambe ta partisipá den oportunidatnan stratégiko di lisensia di marka, asosiashon i spònsor.  WPT Global no ta disponibel pa personanan ku ta situá físikamente na Merka, ni tin intenshon di indusí bo òf kualke otro persona ku ta situá na Merka pa partisipá den wega di azar ku WPT Global òf viola kualke lei òf regulashon lokal, estatal, federal òf nashonal. Rekonosiendo ku e leinan i reglanan relashoná ku wega di azar online ta diferente tur kaminda, bo ta rekonosé i aseptá ku ta bo responsabilidat i obligashon ekslusivo pa sigurá ku kualke aktividat di wega online ku bo partisipá na dje ta legal den bo hurisdikshon korespondiente.