Fiskal Jansen enkargá ku algun kaso penal riba eskivashon di impuesto. E fiskal ta na Kòrsou speshal pa tratamentu di algun kaso.

Punda—Ministerio Públiko no ta tene konsiderashon ku Gobiernu di Kòrsou a duna eksonerashon riba impuestonan promé ku 2017. Kasonan Penal pa eskivashon di impuesto ta sigui normal den korte. Segun un karta di Minister di Finansas, Javier Silvania tabatin kondishonan imponé pa eksonerashon ku no mester stroba Ministerio Públiko di persekushon penal.

Tabata for di 14 di mart último ku Ministerio Públiko a kuminsá puntra pa mas aklarashon. Den un karta 14 di mart 2023, a manda súplika E Tim di proyekto riba Impuesto mas detaye riba e eksonerashon di debenan di impuesto mas bieu ku 2017 bini abou. Ministerio Públiko ta prekupá ku durante nan prosedimentu kontra di froudenan fiskal, Korte por deklará nan no legítimo, debí na e maneho nobo na Ontvanger. Ministerio Públiko tabata pèrsigui un kompania di Aruba, ku tin negoshi na Kòrsou tambe.

Den karta 19 di mart 2023, Minister di Finansas Javier Silvania a kontesta Ministerio Públiko ku nan no mester prekupá pasobra segun e minister no ta papiando di eksonerashon di e debenan. Segun e minister ta un Maneho Nobo na Ontvanger for di finalnan di yanüari. E minister a sigurá Ministerio Públiko di no prekupá i ku nan por sigui normal ku nan persekushon di e kasonan apesar di e Maneho Nobo na Ontvanger. Entretantu den seno di konseheronan fiskal, a manda súplika atraves di e dekreto di LOB pa gobièrnu suministrá.

E minister ya a menshoná na Parlamento di tin kondishonnan bou di kual por yega na e eksonerashon 2017. Unu di nan tabata ku no mag tin persekushon penal. Segun minister di Finansas, Javier Silvania, na e momentunan aki e kantidat di bezwaarschriften ku ainda mester wòrdu trata ta 55.000.mBásikamente, e adaptashon di maneho di kobransa ta enserá ku aanslagen enkuanto 2017 òf mas bieu lo no wòrdu kobra aktivamente, teniendo kuenta ku 3 eksepshon. Segun e minister, e kambio den maneho no ta enserá ku a duna abolishon (“kwijtschelding”), pero ku Servisio di Impuesto ta konsentrá su kapasidat limitá pa kobra aanslagnan mas yòn (2018 bai ariba) kual ta subi e posibilidat di kobransa. Segun Silvania, den pasado a apliká vários reglanan (regelingen) di sanashon di debenan di impuesto i primanan sosial (esta e asina yama sanering) i tambe a yega di apliká e asina yama “opschoning” di e aanslagnan di impuesto i primanan sosial ku no a wòrdu paga. Mi ta duna un resúmen di e diferente opschoning ku a yega di tuma lugá.

Entretantu Ministerio Públiko a sigui ku nan maneho di persekushon penal. Ya kaba tabatin tratamentu unda den korte sivil a trata tambe e eksonerashon 2017 relashoná ku sospechonan penal pa esnan kende tin e eksonerashon. Mas aleu, den Korte Atministrativo tambe, Gobiernu di Kòrsou a keda sin presentá ku material di tratamentu durante seshonan di komparashon. Un konsultorio fiskal a súplika “LOB” riba e proseso di eksonerashon.