AMSTERDAM—Mikrochips fabriká den kompanianan hulandes ta yega Rusia tòg apesar di e sanshonnan fuerte.

Ta trata di miones di produkto for di komienso di invashon den Ukraina te ku desèmber. E eksportashon ta kana via intermediarionan. Algun shen entrega a bai pa tres kompania ruso konektá ku kompanianan di defensa. Chipnan hulandes a keda deskubrí den e armanan ruso. Prensa hulandes (NOS, Nieuwsuur) a haña akseso na e detayenan, a papia ku e kompanianan konserní, instanshanan di gobièrnu, ekspertonan i investigadónan. Nan a haña akseso na dokumentonan konfidensial.

E investigashon pa prome biaha ta duna bista kon e mikrochips di fabrikantenan hulandes a yena den man di Rusia. Tin un patronchi kla di un grupo chiki di kompanianan chines ku ta empodera di chip hulandes pa seguidamente eksportá esakinan pa Rusia. Un dje kompanianan ta riba lista di sanshon di Merka pa entrega na industria ruso di defensa. Apesar di e sanshonnan stringente no a mira un bahada den eksportashon den último lunanan.