DEN HAAG— E plan ta pa start bakunashon kontra corona medio febrüari riba nos islanan segun minister De Jonge.

Asina e minister a informá Tweede Kamer tokante e strategia di bakunashon. Ta trata di Kòrsou, Aruba, Sint Maarten i islanan BES. Meskos ku na Hulanda ta start ku bakunashon di personal den kuido i personanan riba 60 aña.

Na Saba i Statia probablemente lo bakuna henter poblashon den un tiru, mirando e kuido limitá i e populashon. Riba e dos islanan tin alrededor di 5000 hende. Medio yanüari ta anunsiá kua bakuna nan lo haña. E ora ei tin mas klaridat riba disponibilidat di bakunanan di AstraZeneca i Moderna segun e minister.