Boto bieu ku a keda kombertí pa kos di shushi i esaki ta yen te basha afó.

Willemstad- Siudadanonan a kuminsá tuma pa kustumber di benta shushi unda ku  ta unda niun hende no ta mira nan.

Pa loke ta trata na Kura di Buriku esaki tambe ta e kaso unda tin basta shushi basha den e kaya pa yega na e pir na Kura di Buriku. Asta un boto bieu a kue hasié kaminda pa basha shushi aden. A yega di pega asta e shushinan ku ta keda benta na e sitio na kandela. E área ta konosí tambe komo un ku sa para vehíkulonan pluma i ku na diferente okashon a bin topa ku nan sea kima òf kompletamente pluma. Rònt Kòrsou tin diferente lokalidat unda siudadanonan ta basha shushi gròf i esaki sigur ta trese molèster di bestia i holó desagradabel den e área. Pa loke ta trata e área di Kura di Buriku no ta un parti habitá, pero si ta un área ku por keda desaroyá turistikamente unda por tira un bista riba kasnan luhoso ku tin den bisindario. Esnan ku ta tira shushi unda ku ta, p’esei tin transbordo di shushi tantu na Koralspecht i tambe Malpais. Nos mes ta esnan ku mester mantené nos isla limpi.