Willemstad, — Awe, 29 di sèptèmber a dokumentá ‘Boutismo di pòpchi’ na Sentro di Bario
Otrobanda. Esaki lo wòrdu wardá na Archivo Nashonal di Kòrsou.

E boutismo di pòpchi ta un dokumentashon di e historia, e seremonia i e fiesta ku ta bai hasi ku e
pòpchi na estilo di ántes. Aki tabata tei presente e aktornan, media, i tambe otro invitadonan ku lo
bai eksperensia e pida kultura i historia aki. Boutismo di pòpchi ta un suseso ku tabata sosodé hopi
ántes. Esaki tabata sosodé ora un hende muhé no por a haña yu, ora un hende hòmber no tabata
fèrtil òf ora a kasa na grandi i no por a haña yu mas. E historia aki nunka a wòrdu dokumentá pero
tabata pasa ántes boka pa boka.

Den e seremonia di ántes, den e boutismo di pòpchi, tabata adoptá un pòpchi, dun’é un fam, i
boutisé. Den e fiesta di e boutismo tabata parti ròm bèrdè, anis, kai òrgel tabata toka, i ta duna un
ènvelòp komo un regalo ku algu di grasia pa kumpra loke tin mester pa e yu/pòpchi. Ta bai hinka e
dokumentashon di e boutismo di pòpchi, den archivo nashonal pa asina aki por ehèmpel 200 aña por
haña e parti aki di e historia i kultura bèk.

E meta ta pa e dokumentashon ku ta wòrdu wardá na archivo nashonal, yega na e muchanan na skol
komo un material di lès, i tambe spesialmente den Siman di Kultura.