WILLEMSTAD – E kolegio di supervishon finansiero di Kòrsou i Sint Maarten (CFT) lo ta di bishita na Kòrsou pa dos dia den òktober próksimo i a manda un petishon por eskrito pa Komishon Finansa di Parlamento, pa un reunion tras di porta será.

E bishita dje representantenan dje kolegio lo ta dianan 16 te 18 di òktober i nan lo ke reuní dia 18 di òktober ku e komishon, tokante finansa di pais Kòrsou. Nan ta preferá pa e reunion tuma lugá pa mitar di 12 di merdia. Den e karta na Presidente di Parlamento Charetti America-Francisca, e sekretario di CFT Ray Thuis ta pidi Parlamento pa laga sa si nan mes tambe tin puntonan di agènda ku nan lo ke atendé.