Luis Giusti di CPR.

Isla—E supuesto sosio nobo di Refineria di Kòrsou, no ta disfrutá di un bon reputashon den e komunidat di “Good Corporate Governance” na Kòrsou. E negligensha i insultá demostrá pa direktornan di e kompania a afektá nan kredibilidat serka bankonan lokal, Hulanda i konsultentnan den Reino.

Caribbean Petroleum Refinery a faya na diferente okashon ku nan obligashon di “due diligence”. Tantu durante nan eskoho di sosio komo entrega di “fuel oil”, Caribbean Petroleum a mustra debilidat den nan seriedat i tabata sufisiente pa Refineria di Kòrsou no sigui ku CPR komo sosio. Entretantu e riesgo a tuma lugá okashonando bastante daño internashonal pa Kòrsou.

Por konkluí nada otro sino e proseso pa yega na un due diligence riba e sosio di CPR ta kompletamente kuestionabel. No tin informashon riba kua fecha a hasi due diligence miéntras  na final di ougùstùs 2022, CPR ta informá RdK ku nan sosio mas grandi, a hala atras. I tabata un luna despues ku CPR a trese dos partido nobo aden bou di inisialnan di C i B Trading. Medio sèptèmber 2022, CPR ta presentá su “konsorsio nobo” (shareholder/doño finansiero) na RdK.

 Riba e entrega di Fuel Oil na Bullenbaai tampoko CPR a ehekutá un diligensha responsabel of keda sin hasié mes. E desishon mesora ta komprometé tantu RdK, CRU, kompanianan estatal di Kòrsou na e entrega di produktonan petrolero sin lisensia OFAC. Pero, tin mas. Tabatin mas kompania den e struktura, kual por sierto RdK ni tampoko CRU no a laga investigá.  Entre CPR i un kompania Knob Trading S.A, tambe tin un kontrakt di atendementu. Esaki ta un kontrakt resien firmá riba 24 di ougùstùs 2022. 3 siman despues ku CPR a firma e lease kontrakt ku CRU di Kòrsou pa por uza Bullenbaai. Knob Trading ta un kompania registrá na Panamá.

CPR no a tene ningun konsiderashon na momento e la eksponé Kòrsou si kredibilidat afektando tantu, CRU komo RdK. E kosnan a bai asina leu, ku bankonan lokal ta opservando e desaroyo pa no konfrontá problema ku nan relashonnan korespondiente internashonal.