Zaquito–  E sangura di Dengue, Aedes aegytpi  ta biba 1 luna, pero su webunan por keda bon te ku un aña. E webunan ku keda para ta produsí sangura nobo asina esakinan bin den kontakto ku awa.

Por ehèmpel despues di un yobida manera awor aki. Den un lapso di 10 dia ora e bichi sali esaki ta bira un sangura ku ta bula i si ta un sangura muhé, esaki por pone te ku 400 webu. Responsabilidat di kada siudadano ta pa eliminá fokonan kaminda sangura por pone webu.

Akshon ku kada siudadano por tuma ta: –  Kontrolá. Kontrolá tur kaminda ku awa por keda para. E mihó manera pa eliminá     sangura ta pa no tin apsolutamente nada ku por wanta awa. Kontrolá paden i pafó di    kas; kontrolá den kurá di bo bisiña tambe.

–  Artefaktonan artifisial. Tira tur artefakto artifisial òf opheto manera tayer, barí, kosnan di plèstik, ko’i hunga di mucha ku no ta wòrdu usá i por wanta awa afó na lèntfil.    Kosnan di uso por warda esakinan bou di dak di manera awa no por keda pará den nan. Chèk e skòter bou di pòchinan di mata pa bichi di sangura. Kambia e awa den glas òf pòchi un biaha pa siman i tambe pasa skeiru òf un bròsh pa kita e webunan    (punta pretunan) di sangura. Por trata e awa ku larvisida òf yena e pòchi ku tera. –  Barí, tanki di awa i renbak. Barí, tanki di awa i renbak ta wòrdu usá hopi pa fangu
 áwaseru. Tapa e barí ku un paña i elastik di manera ku sangura no por drenta ni sali for di e barí. Chèk e hit di dak i limpia esaki kita blachinan pa awa no keda para den e
   hit. Por pone larvisida òf piská tambe den e barí. Tur renbak mester ta   
   hermétikamente será. Si e ta habrí, mester pone piská aden ku ta kome bichi. Por usa
   larvisida tambe pa mata bichi di sangura. No por usa piská i larvisida huntu. Mester ta
   piská òf larvisida.

Personanan ku ta fangu awa den barí òf drùms por buska larvisida grátis na UO G&Gz na Piscaderaweg no. 49 di djaluna pa djabièrnè entre 8’ or di mainta pa 12’ or di mèrdia. E larvisida yama B.T.I. E produkto no ta tóksiko pa ser humano ni pa bestia. Pa mas informashon por tuma kontakto ku profeshonalnan di THZ- sekshon di kombatimentu di sangura na 432 5887 òf 5270854.
Ta importante pa nos tur huntu ta bon informá pa asina nos huntu kombatí e sangura ku ta transmití Dengue, Chikungunya i Zika. Pa mas informashon por bishitá i like nos página di facebook “Sangura ta nos tur su asuntu”.