WILLEMSTAD, –A konstatá ku despues di pandemia ku e desigualdat di enseñansa a resaltá.

Suzy Larmonie ta bisa ku a konstatá ku despues di pandemia di Covid e desigualdat di enseñansa a resaltá. A mira hopi ku e grupo ku no tabata tin tur posibilidat, a keda atras. Un punto kardinal den mehorashon di enseñansa ta pa hasi investigashon di desigualdat den enseñansa i tur e faktornan ku ta kontribuí na esaki. Lo bai wak kua ta e kasonan prioritario ku ta bai uza pa kombatí e desigualdat aki, Larmonie ta splika. Suzy Larmonie di OWCS ta menshoná ku nos ta konsiente ku tin diferente faktor ku ta kontribuí na e desigualdat. Esakinan ta entre otro faktornan den sistema den sistema di enseñansa, faktornan den e bida sosial di e mucha, faktornan kultural, faktornan ekonómiko,  i tambe faktornan ku ta sinta den e abilidat di esnan ku mester guia e alumno

Tres aspekto den plan di mas aña di KPEK di 2024-2027 ta igualdat den enseñansa, kalidat di enseñansa, i kon enseñansa ta organisá. Riba kada un dje puntonan aki KPEK a pone puntonan di akshon kual ta entre otro optimalisá oportunidat den enseñansa. Ta hopi punto di mehorashon tin pero ta opta pa enfoká riba e aspektonan ku KPEK lo por duna aporte na dje basá riba ekspertio di e organisashon, kapasidat humano i instrumentonan ku KPEK tin na nan disposishon.  Na kuminsamentu di aña, durante di yanüari i febrüari, KPEK a organisá 2 diferente Kafe Edukashonal. Den e tayernan a introdusí e proyekto ‘Optimalisá Oportunidat den Enseñansa’ kaminda a trata e tópikonan ku ta regardá enseñansa den su totalidat.

Despues di a introdusí e proyekto 6 skol a opta pa partisipá den e proyekto aki. A siña 6 diferente skolnan piloto desde yanüari te ku aprel i a trese diferente aspekto di kontenido básiko huntu pa mehorashon di enseñansa. E skolnan a risibí un serie di 5 tayer i lo kontinuá ku sobra tayer huntu ku e skolnan den aña eskolar 2024/025. Resultado di e Kafe Edukashonal i e tayernan duná na e 6 skolnan piloto durante di e periodo yanüari pa aprel 2024 a keda presentá durante e konferensha di mesa rondó di 29 di aprel. Tur partisipante na e konferensha tabata partnernan den enseñansa i tur ta direktamente òf indirektamente envolví ku maneho di enseñansa.

Pues ku e konferensha di mesa rondó di 29 di aprel ta indiká kulminashon di fase 1 di e proyekto.  resultado di e konferensha lo keda presentá den forma di un relato ku rekomendashon pa asina wak kon i kiko por hasi pa optimalisá oportunidat den enseñansa apesar di situashonnan sosial di alumnonan.