DEN HAAG—Tin un tempu pa yega, un tempu pa bai, nos tempu a yega, asina e nestor di Tweede Kamer Kees van der Staaij a bisa na okashon di despedida.

Ayera Tweede Kamer a reuní delaster biaha den e konstelashon bieu i ku eksepshon di lider di SGP 79 otro miembro a tuma despedida. Presidente di Tweede Kamer Vera Bergkamp tambe a tuma despedida. Sylvana Simons ku ta sali despues di dos aÑa for di Kamer a keda elogiá pa su pashon. Bo tabata kla pa e lucha segun Bergkamp a bisa di Simons refiriendo na su lucha pa pidi eskusa pa pasado sklabitut. Bo a skirbi historia, sigui pa un aplouso largu di Tweede Kamer kompleto pa Simons. Banda di e lider di BIJ diferente otro lider di frakshon a baha manera dos miembro di Denk inkluso e lider Azarkan, ku a haña elogio pa su lucha pa e mayornan den e eskandalo di kompensashon di belasting. Herma (CDA) a keda kategorisá komo konfiabel pa Bergkamp. Menshon spesial a bai pa e nestor ku ta esun ku a sinta 25 aña den Tweede Kamer Van der Staaij komo e parlamentario ku ta sali pa interes general. Van der Staaij a laga un konseho pa e miembronan nobo: skucha otro i pueblo. Bebe kofi huntu tambe ta parti di demokrasia. El a haña un ovashon di su koleganan. 18 miembro a haña un kondekorashon Orde van Oranje-Nassau.