Willemstad, — Den kuadro di Operashon Siman Santu Ministerio di Salubridat, Medio Ambiente i Natueralesa ta partisipá na tur ku ta bai hasi uso di nos playanan públiko ku no ta pèrmití pa grel riba playa. Na diferente playa manera Kenepa Grandi i Daaibooi tin áreanan designá pa grel i tambe tin grelnan trahá pa públiko. Bou di ningun sirkunstansia ta pèrmití pa pone blòki riba playa i sende karbon.

Departamentu di MNB (Maneho di Medio Ambiente i Naturalesa) di Ministerio di GMN a pone barínan di heru spesial pa tira karbon kayente aden na e playanan públiko kual tambe nan ta rekohé regularmente. Mester grel den áreanan designá pa evitá ku ta forma molèster di huma pa otro usuarionan, pero tambe pa evitá ku ta keda karbon kayente den santu i okashoná leshon serio di kemadura na hende ku trapa riba esaki. Un petishon ta bai na pueblo en general pa yuda tene nos playanan limpi di karbon i pa asina evitá aksidentenan lamentabel. 

  

Foto 1

Barínan spesial pa tira karbon aden.

fot 2

Manera korekto pa grel na playa.

foto3

Manera di grel riba blòki ku no ta pèrmití.