E arma ku e personal di vigilansha a logra konfiská na e entrada di Mambo serka e sospechosonan.

Willemstad—-Djadumingu 22 di òktober 2023 alrededor di 22.27’or, Sentral di Polis a dirigí un unidat polisial na Mambo Boulevard, pa un kaso di menasa ku arma.

For di investigashon ku polis a realisá na e sitio a sali na kla ku un ratu promé un hòmber i un dama sospechoso a menasá un personal di seguridat ku ta traha na entrada di e sitio ariba menshoná ku un arma. Na e sitio polis a detené e hòmber sospechoso C.A.C.C., di 22 aña i e dama S.P.M., di 19 aña ámbos nasé na Colombia, pa e menasa ariba menshoná. A presentá ámbos sospechoso dilanti di un fiskal ouksiliar ku a ordená nan enkarselamentu pendiente di mas investigashon.