Hóben Tyre Nichols di ku a keda maltratá mortalmente pa agentenan polisial di Memphis.

Merka, — Den e siudat di Memphis, e di 6 agente polisial a haña su retiru despues di e kaso di maltrato mortal di e hóben Tyre Nichols. E merikano di 29 aña a keda detené pa outoridatnan riba 7 yanüari, pa korementu di outo di un forma inresponsabel. Un grupo di polis lo mester a maltratá Nichols kual a bin fayesé 3 dia despues den hospital akonsekuensha di su heridanan.

Kiko e ròl di e di seis polis aki tabata, no ta konosí ainda. Ainda e no ta un sospechoso i no a haña su retiru ainda pero a keda poné riba “non actief”. Segun su abogado e tabata involukrá den e detenshon di Nichols pero no tabata parti di e maltrato ku resultado fatal.  Outoridatnan di Memphis, djabièrnè último, a publiká diferente video di e maltrato. Por mira i skucha klaramente kon Nichols ta keda saká for di su outo pa agentenan polisial di “koló” meskos kuné pa despues nan batié i skòp e.

Tambe tres miembro di brantwer di Memphis a haña retiru akonsekuensha di e insidente. Ta trata di dos mediko i un bombero. Nan a faya ku diferente regla i protokòl, segun tin pará den deklarashonnan.  Mas promé 5 agente polisial ku ta involukrá den e kaso, a haña nan retiru. Nan ta keda akusá di asesinato den segundo grado. Esaki ta menos grave ku un asesinato premeditá pero mas grave ku un homisidio. Tur e agentenan polisial ta pará dilanti un kondena di entre 15 pa 60 aña.

Nan ta keda akusá tambe di maltrato severo, privashon di libertat i mal kondukta komo funshonario. E 5 agentenan polisial, aktualemente ta den libertat despues di a paga un fiansa. Ayera tambe a anunsiá ku e unidat speshal ku e polisnan tabata pertenesé na dje a keda desmantelá. E unidat tabatin komo tarea pa redusí krimen den sierto areanan na Memphis. For di e dia di morto di Nichols, e unidat ku ta keda yamá “Scorpion” ta na kandela pa kritikanan fuerte ku nan a bin ta risibí.

Mirando ku “Scorpion” aktualmente ta keda mal mirá debí na akshonnan horibel di algun di su miembronan, ta imperativo ku awor nos, komo e departamente di polis di Memphis, por aktua di forma pro – aktivo, esaki segun un komunikado polisial.  E mama i e tata di kriansa di Nichols a aspetá un invitashon di presidente Biden pa asistí na e diskurso di Esado di Union. E diskurso annual di e presidente na miembronan di kongreso lo tuma lugá riba 7 di febrüari próksimo.

E mama di Nichols a bisa atraves di su abogado ku e ta spera ku morto di su yu por sirbi un proposito superior.