Tabatin hopi atenson pa e kaso aki dia el a keda tratá.

Nieuwe Haven: Ta asina ku riba 11 di yanüari 2023, dierenbescherming ( DB ) a kuminsá ku un kampaña riba medianan sosial den kual nan ta hasi un yamada na pueblo di Kòrsou pa yuda kita kachónan i pushinan for di riba kaya. DB a keda apuntá pa gobièrnu di Kòrsou i tambe CTB ( Curaçao Tourism Board ) pa yuda ku e problematika di e kantidat di kachónan lòs ku ta kana riba kaya.

Diferente fundashon no tabata di akuerdo ku e kampaña aki i a entamá un kaso sivil kontra di DB. E petishon i posishon di e demandatenan tabata:

Nan tabata ke pa korte sivil buta DB kumpli ku e “landsverordering” kual ta bisa ku mester sali na defensa di animalnan riba nos pais.  Pa urgi DB kuminsá ku e proseso di hinka chip den e kachónan i registrá nan tur.  Pa DB respetá e termino di 24 luna pa e chipnan keda hinká den e kachònan  i pa duna e doñonan di e kachónan mas tempu pa bin tuma esakinan bèk. Tambe nan a pidi pa DB no kue pushinan riba kaya i pa stòp e kampaña ku DB a kuminsá riba medianan sosial i pa hasi un deferensha “kla” pa komunidat entre kachonan di kaya i kachó ku ta di lòs riba kaya. Por último e demandantenan a pidi pa urgi DB pa kaba ku e santuario pa asina e kachónan di kaya haña un lugá di keda.

Segun korte sivil mayoria di e demandanan di e fundashonnan ta riba mes un liña ku DB ta kaba. Tur nanishi ta den mes un direkshon. Pero di otro banda, korte sivil a bisa ku nan no por stòp e kampaña di DB i no por stòp DB di ehekutá e bestia si mester yega asina leu.