WILLEMSTAD,—-E dia nan aki loke ku ta halando atenshon ta presentashon di diferente grupo di karnaval su trahenan pa loke ta trata marcha grandi.

E siman aki ta toka turno pa grupo “A’Legria” bai presentá nan trahenan. Presentashon di trahe di grupo “A’Legria” ta bai tuma lugá na Lanthùis BrakkePut Mei Mei . Alabes, e parti musikal lo bai ta den man di agrupashon musikal “ICONS i Dj RO-1”.

E grupo di karnaval A’legria a debutá aña pasá den e mundu karnvalesko kaminda ku nan a partisipá den Karnaval ku dos agrupashon musikal i un sekshon urbano. Pa otro aña esaki lo bai ta mes un kaso. Ya for di siman pasá Vigilante Farándula a anunsiá e notisia ku e grupo menshoná ta bai kaya ku agrupashon musikal “ICONS Qsign, Dj RO-1 i un sekshon urbano.

Pero mester bisa ku djasabra awor lider di e grupo di Karnaval menshoná mes ta bai anunsiá tur kos rondó di e grupo di Karnaval en kuestion. Si mester bisa ku tin basta atenshon pa loke ta trata presentashon di trahe di grupo “A’Legria”. Vigilante Farándula ta na altura ku otro aña grupo “A’Legria” su trahe lo bai ta rondó di historia di Korant nan di Kòrsou.

Esaki sigur lo bai hala bastante atenshon pa mira, paso den pasado tabatin diferente Korant na Kòrsou i esaki sigur lo bai halsa e parti di historia pa loke ta trata Korant nan di Kòrsou, ta hopi profundo e persona nan ku a diseñá e trahe nan mester a bai buska informashon nan i pa asina trese esaki nan den un konsepto pa presentá nan den marcha di karnaval. Djasabra awor tur karnavalista sigur ta pendiente pa mira kon grupo “A’Legria” su trahe nan pa 2024 lo bai ta.