UTRECHT—E tarifanan di dokternan di kas por pidi pa kuido ku nan ta duna mester keda rekalkulá, segun Kolegio di Apelashon pa komersio (CBb).

Ta trata di un kaso ku dokternan di kas a entama kontra outoridat di salubridat (NZa). Outoridat di kuido no a argumentá sufisiente dikon e tarifanan aktual ta alkansabel i pa e motibu aki hues a pidi un investigashon di gastunan intensivo pa yega na mihó tarifanan. NZa mester papia ku kompanianan di seguro basiko pa evalua kon dokternan ku a keda finansieramente perhudika por keda kompensa. E veredikto ta un viktoria pa e fundashon di Dokternan di kas, asosashon di dokternan di kas i asosashon di dokternan suplente. E grupo di profeshonalnan médiko ta lucha pa basta tempu pa tarifanan hustu pa e oumento di responsabilidatnan. For dia a sera kasnan di kuido na 2013, dokternan di kas tin hopi trabou na grandinan vulnerabel ku ta na kas ainda. E listanan di espera na GGZ ta sigui oumenta, dunando dokternan di kas mas trabou.

Na mes momento hopi intervenshonnan, manera pone spiral, di hospitalnan a pasa pa dokternan di kas. Pa por kumpli ku e pakete di tareanan amplio, dokternan di kas mester hasi mas gastu ku 10 aña pasa. E tempunan di praktika individual a pasa pa historia. Un dokter di kas ta haña asistensia di dokternan individual, esnan den servisio, i asistentenan spesial pa grandinan, hubenil of GGZ. Entretantu, NZa a keda mantene e tarifanan basa riba data finansiero di 2015. Segun hues esaki no a sosode ku e koutela nesesario. Segun dokter di kas Zwart, inisiadó di e proseso, e veredikto ta esensial pa evita ku kuido di dokter di kas ta kai den otro.