UTRECHT—Asosashon di dokternan di kas LHV ta preokupá ku e kadenan komersial ku ta kumpra ofisinanan di dokter di kas.

E promesa ta kuido inovativo pero den praktika e Asosashon ta haña hopi keho riba kalidat i alkanse malu. Den kaso pas serii pashentnan ta keda temporalmente sin dokter di kas. Na Waalwijk 3000 pashènt a haña un mensahe djis prome ku traspaso ku e ofisina ta sera te 14 ougustus. Despues a bisa te 6 ougùstus. E motibu ku a sera asina lihe ta pasobra den zomer no tin sufisiente kuido. Den kaso di problemanan urgente pashentnan por bai na ofisina na Tilburg òf yama un sentro di kontakto na Amsterdam. Segun e kadena ku a tuma e prajtika despues di zomer lo tin sufisiente kuido pero e munisipio i pashentnan ta preokupá. Na Enschede tambe den zomer lo no tin dokter di kas pa tres simna pa 9000 pashént. Tin solamente un dokter disponibel pa sitanan traha kaba. Pashentnan nobo mester yama un remplasante. Tantu na Tilburg komo Enschede ta trata di un praktika di dokter ku a keda kumprá pa un kadena komersial ku ta traha diferente.

E promesa di e kadenanan ta pa hasi e dokter prepara pa futuro manera medionan digital i kuido na distansha. Pero Inspekshon di Salubridat i outoridat di kuido hulandes ta haña señalnan ku e kalidat, aksesibilidat i lokalidat ta bou di preshon serka algun di e proveedornan di kuido inovativo. Pa e motibu aki huntu nan a start un investigashon riba diferente kadenanan di dokternan di kas. Asosashon di dokternan di kas ta preokupá riba e desaroyo aki. Un bosero a enfatisá ku no ta kontra inovashon paso ra esaki por ta importante pa baha preshon den kuido awor ku tin gran skarsedat di dokter di kas. Pero loke falta ta e kuido ku e pashènt ta spera. E Asosashon ta haña hopi keho tokante mal aksesibilidat, diferente dokternan i pashentnan vulnerabel ku ta keda atende via konsultanan digital. Un dokter fihó i akseso fásil na kuido ta balornan fundamental di kuido di dokter di kas. Esaki no ta e kuido ku ta haña aktualmente. E kuido ta parse un modelo di ingreso, loke ta preokupá LHV. Tin kaminda ku ta bai bon i ku un team hopi uní, pero hopi kaminda ta diferente. Yvette van Laar di Waalwijk no ta kontentu ku e traspaso pa un kadena komersial. Resientemente un sita a keda kanselá dos dia prome i a kosta tres dia pa haña un hende na liña pa un sita nobo. E ofisina di dokter ta bisa den un reakshon ku e ta den kombersashon ku kompanianan di seguro basiko pa soru pa e aksesibilidat i kontinuidat keda garantisá for di sèptember.