E dokumental a keda premirá na Sea Aquarium.
Willemstad,– E tim tras di “The Suit” a produsí nan promé dokumental “Curaçao Underwater Kunuku”, ku por wòrdu mirá den tur TUI Dreamliner.
Na 2019 un ekipo di snòrkeldó a landa alrededor di 100 km, kuminsá na nos kosta Ost te na nos kosta Wèst. E tim ku a dura 8 dia pa landa e 100 km a pasa den diferente área bou di laman pa asina mustra henter mundu e bunitesa deskonosí bou di nos laman.
Djabièrnè tras di lomba e tim di “The Suit” a premirá e dokumental indikando ku por wak e dokumental riba tur buelo di TUI kaminda e avion “Dreamliner” ta bula. Den un komunikado e tim ta indiká ku “a traha un pelíkula di e trep akí, ku niun hende no a yega di hasi. Den e pelíkula, titulá ‘Curaçao Underwater Kunuku’, ‘The Suit’ ta konta e storia di Curaçao Underwater Kunuku, Kòrsou su presioso hardin sup-akuatiko”.
Durante e primera hefe di TUI Karibe – Hulandes, Rick van der Pluijm, a indiká ku tur dia di nobo, alrededor di 1500 turista lo por wak e dokumental riba avion nan di TUI. “No solamente buelonan di Hulanda pa Kòrsou lo tin e dokumental, pero buelonan pa Cancun, Mexico tambe por wak kiko Kòrsou tin bou di awa”. Tambe van der Pluijm a duna su palabra di gratitut na e tim tras di “The Suit” splikando ku e ta pensa ku e proyekto aki ta bunita.
Minister di Desaroyo Ekonómiko, Ruisandro Cijntje, tambe a duna algun palabra di gratitut tokante e dokumental. Segun Cijntje, e dokumental lo bai ta un otro oportunidat pa nos bende nos isla di Kòrsou. Mas aleu Cijntje a indiká ku tipo di proyektonan asin’aki ta e direkshon ku nos mester bai pa sigui promové Kòrsou.