WILLEMSTAD – Departamento di Asuntunan Públiko, esta Kranshi, ta rekordá tur persona ku ta bini pa sea hasi kambio di adrès i/òf pa inskribí nan mes òf pa un otro persona, pa presentá na Kranshi ku un dokumento ku ta mustra ku nan tin derecho di biba na e adrès nobo.

For di 16 di òktober 2023, ta nesesario pa tur siudadano ku ta registrá òf ta bai registrá su mes na e adrès nobo, pa e tin den su poder un dokumento ku ta bisa ku e por òf e mag biba na e adrès ei.

Kranshi a tuma nota ku hopi siudadano ta hasi uso di e servisio ku e sistema ‘Online’ ta brinda. Esei ta nifiká ku por pidi servisio òf dokumento via di internèt. Pues na momento di usa e servisio di kambia adrès, mester pone aserka e dokumento ku ta mustra ku bo por bai biba na e adrès menshoná.

Pa mas informashon por konsultá e página wèp di Gobièrnu di Kòrsou. Klek i sigui e pasonan akí:

• https://gobiernu.cw,
• LOKET DIGITAL,
• Lokèt di pèrmit,
• Wonen en verhuizen,
• Verhuizing en adreswijziging òf
• Inschrijven in het Bevolkingsregister van Curaçao.

E Formulario di outorisashon tambe ta optenibel riba wèpsait di Gobièrnu di Kòrsou. Por ‘download’ e formulario na 4 idioma siguiendo e pasonan ariba i despues klek riba ‘Bijzonderheden’