Daaibooi– Un kaso bastante serio i tristu a tuma lugá  ayera anochi na bahia di Daaibooi. Polis ta investigando un posibel kaso di dòbel violashon ku a tuma lugá na e playa.

Dos damita, stazjèr ayera a mèldu polis ku un hòmber kanando ku un sèrbètè blanku  na su kurpa mester a violá ámbos di nan. Debí ku e kaso aki ainda no ta konfirmá ofisialmente, no tin muchu detaye.

Pero sentral di polis ayera den oranan lat  di anochi mester a despachá un unidat pa tuma keho di dos dama stazjèr kendenan a deklará di a keda violá pa un hòmber deskonosí pa nan.

E damanan a bin mèldu despues na Karakter, ku ta un restorant pool bar na Coral Estate unda for di einan, a transportá nan pa Rio Canario. Na Rio Canario a pasa e viktimanan pa reshèrshinan spesialista den kasonan inmoral pa tuma nan deklarashon. E kaso ta sigui bou di investigashon.