Willemstad—-Segun dr. Jerry Semper médiko i sientifikamente prueba sa ku e bakuna no por ta kousa di morto di niun persona, un persona lo por fayesé despues di a risibí e bakuna pero esaki no kiermen ku ta pa motibu di e bakuna e la bin fayesé.

Médiko i sientifikamente sa ku e bakuna no tin morto komo konsekuensia, si sa kiko ta su efektonan sekundario anto sa ki peliger tin di un proseso anavilaktiko ku ta 1 òf ta 2 hende pa Kòrsou un den 100 mil i ta prepará pa atendé ku esaki si e sosodé. No ta papiando di mas o ménos 30 hende ku a haña un reakshon alèrgiko leve no ta esei ta lokual ku ta papiando di dje.

Ta papiando di 2 hende ku lo por risibí un efekto sekundario hopi grave, i esaki lo por atendé kuné. Ni den estudionan sientífiko no na Kòrsou no na Hulanda no na Merka òf Israel ta konosí ku un hende a muri pa konsekuensia di e bakuna. Loke ku dr. Jerry Semper a splika hopi biaha ta ku hende lo por fayesé despues di bakuna ta algu otro for di muri dor di konsekuensia di e bakuna. Esaki meskos ku hende por fayesé despues ku nan hasi otro kos tambe e la kue un ehèmpel práktiko sibo sali pela i bo fayesé anochi ainda esei no ta nifiká ku ta paso bo a bai pela e barbero a kousa bo morto.

Esaki no ta komo un chèrchi pero sino komo un ehèmpel pa tur hende por komprondé kiko ta papiando di dje. E persona ku a fayesé aki e la fayesé e bakuna tabata e kousa òf e la fayesé despues di a wòrdu bakuna. Paso hende lo bai sigui fayesé tur dia òf tur ora pa vários otro motibu pues e parti sientífiko i parti médiko nan sa ku e bakuna no ta kousa morto.