DEN HAAG—E edat di penshun ta keda 67 aña te ku 2029 segun minister Schouten den un karta pa Tweede Kamer.
Meskos ku den 2022 penshonadonan for di 67 aña i 3 luna lo haña penshun di behes (AOW). E edat di penshun ta depende di e espektativa di bida. Esaki no a subi pasobra den ultimo añanan mas hende a fayesé ku loke a pronostiká. Pa e motibu aki e edat di penshun no a subi. E oumento di mortalidat ta debí na e pandemia di corona. den último añanan a fayesé 10% mas hende ku prome ku e pandemia segun kalkulonan. Den 2023 tambe 6% mas hende a fayese ku loke a pronostiká. Apesar ku e espektativa di bida ta rekuperando, tòg e ta menos ku prome ku pandemia. Esun ku tin 65 aña den 2029 tin promedio 21 aña mas di bisa segun kalkulashonnan di CBS. Gabinete a tuma desishon ayera ku fondonan di penshun ta haña mas tempu pa pasa pa e sistema di penshun nobo. Medio 2023 gabinete a introdusí un sistema di penshun nobo i fondonan di penshun a haña te 2027 pa ahusta na e sistema nobo. E periodo di transishon a keda prolongá ku un aña.