DEN HAAG—Hulanda mester adaptá e lei di penshun. Lo hasi e proseso difisil pa hendenan ku muda den Union Oropeo pa bai ku nan penshun.

Asina Hof Oropeo di Hustisia a determiná. Lei hulandes ta determiná ku ora un hende kier pasa su kapital di penshun pa un fondo di penshun den un otro pais di Union Oropeo, e posibilidatnan pa kumpra e penshun no por ta mas amplio ku den Hulanda. Kobra penshun mas tempran ta solamente posibel den kasonan limitá den Hulanda, por ehempel si bo no a akumula hopi penshun. Si den e otro pais e reglanan di kompra di e penshun ta mas fleksibel, e persona mester paga belasting riba e traspaso. Pasobra Hulanda konose reglanan estrikto, esaki ta e kaso pa hopi pais. E belasting ku mester paga por restringi hende pa muda pa otro pais den Union Oropeo pa trabou. Hof Oropeo ta husga ku Hulanda no ta kumpli ku palabrashonnan pa trafiko liber Oropeo di trahadonan i kapital. E disputa entre Hulanda i Komishon Oropeo tin 10 aña kaba.