Punda,– Parlamentario pa partido PNO, señor  Elvin Gerard ta bisa ku el a keda sorprendí ora ku el a mira e resultado di Korte. “Nan a bisa parlamento ku CPR ta paga 2.2 mion pa luna i ku e ta yuda paso e ta yuda paga salario.

Pa mi sorpresa nan mes a bin pidi den korte pa nan paga e debenan atrasá i mi ta lamentá ku direktornan ta bin splika ku tur kos ta kanando bon i awor korte ta manda bisa ku nan tin lunanan sin paga. Mester hasi algu serio ku e direktor aki, paso e kos aki no por keda asina”, Elvin ta splika.

E ta bisa ku su koleganan Mercelina i Osepa a haña rason, paso awor ta sali na kla ku no ta tur kos a kana korektamente. Mester informá parlamento korektamente, paso e por tin konsekuensha i awor aki e kaso aki tin konsekuensha pa señor Newton.

Gerard ta bisa ku CPR ta bisa ku no tin kuenta pa nan por a depositá e sèn, pero e promé dos lunanan ta unda nan a depositá anto?.

Nan a hür e lugá i a hür e ku otro hende pa gana masha hopi plaka mes. Señor Newton no a papia bèrdat i ora e bin parlamento e tin ku bin bon informá, paso el a gaña parlamento kaba.