DEN HAAG—E 150.000 empleadonan públiko den Hulanda ta haña un kontrato kolektivo nobo ku un oumento di 8,5% i 50 euro pa luna ekstra.

Nan lo haña pues 50 euro pa luna strukturalmente riba nan skal. Banda di esaki, nan ta haña tres biaha un kompensashon pa kubri inflashon, bon pa 2350 euro bruto. E prome kompensashon ta den mei. Mas aleu e personal ta haña posibilidat pa 2000 euro pa aña paga nan debe di estudio for di un presupuesto individual. Lease un baiskel ta bira strukturalmente posibel i verlòf di kuido ta keda amplia di dos pa 4 siman. E kontrato kolektivo ta di 1 yüli 2024 pa fin di 2025. E total oumento ta bira promedio 9,7% pa un aña i mei. E ta den liña ku otro kontratonan kolektivo.  Asina a firma un cao nobo den 2023 ku kuerpo polisial ku un oumento di 9,5%. Fin di mart sindikatonan a logra un akuerdo ku gobiernu sentral riba un cao nobo. Den último simannan e miembronan di sindikatonan a bai di akuerdo i awor sekretrio estado demishonario Van Huffelen a firma.