WILLEMSTAD———  Ayera mainta trempan e tim di aresto a drenta den un bibienda den e bario di Mundu Nobo na unda a detené un sospechoso.

https://fb.watch/lleL5xN26C/(klik pa wak video(

Relashoná ku un kaso di intento di asesinato ku a tuma lugá dia 16 di yüni 2023 den área di Baraltwijk, Tim di Atrako a realisá un detenshon. Djaweps 22 di yüni 2023 alrededor di 05.05’or, Tim di Aresto huntu ku Tim di Atrako a bai na un kas na Jacob Binckestraat i einan a hasi detenshon di e hòmber sospechoso A.S.D. di 30 aña di edat nase na Kòrsou. Despues di su detenshon, a kontinuá ku un entrada hudisial na su kas i a konfiská artíkulonan ku ta importante pa e investigashon. A presentá e sospechoso dilanti di un fiskal ouksiliar ku a ordená su enkarselamentu pendiente pa mas investigashon.