ROTTERDAM—Komishon Oropeo a duna mandato pa un entrada hudisial den e filial hulandes di e kompania chines Nuctech.

E kompania a konfirmá e entrada na Rotterdam. Nictech ta traha aparatonan di scan pa control di konteiners i ekipahe ku ta drenta/sali Oropa. Komishon Oropeo ta sospechá ku e kompania chines ta haña supsidio di China. Ku esaki lo e tin preferensia den destahonan riba aparatonan na airport. Nuctech a splika k no por papia di kontenido di e investigashon, ku ta konfidensial, pero nan lo koperá. E kompania no sa kuantu tempu e investigashon lo dura. Na e filial na Polonia di e kompania tambe tabatin un entrada. Europarlamentario Groothuis (VVD) pa basta tempu a urgí Komishon Oropeo pa hasi investigashon den e kompania Nuctech. E kompania aki ta kontrolá ku aparato di scan nos airport i hafnan ku sosten di estado chines, segun Groothuis. E parlamentario no ta haña ta prudente ku Nuctech ta hunga un ròl importante den kontrolnan di frontera Oropeo. Duana ta bisa ku e kompania ta bon den kontrolnan di droga, pero China ta un pais ku un politika di spionahe. Mester puntra bo mes kiko China ta hasi ku e informashonnan.