WILLEMSTAD— Segun e famianan  ku e sospechoso ku a keda detené na Hulanda sigur no ta esun ku a likidá Boechi.

E famianan mes a keda den un estado di shòk ora ku djasabra último nan a haña un kantidat di polis na nan bibienda indikando ku nan ta hasiendo investigashon den e kaso di likidashon Boechi unda e hòmber Churandi C. Di 44 aña lo mester ta envolví. Segun e famianan  ku nan no ta bai hinka man den kandela pa Churandi pero nan sigur ta hopi floho  pa kere ku e lo por a hinka su mes den un situashon asina ferfelu. Si nan tin ku bisa ku Churandi lo ta kapas pa hasi hopi kos pero pa kita bida di un ser kerí anto un hòmber asina fama i gusta manera Boechi si nan ta duda.

Segun e famianan  nan no ta na altura kiko Churandi anto ku ken mas por a hasi ku e outo ku e tabatin di hür pero un biaha mas nan ta bolbe bisa ku Churandi no ta kapas pa a kita bida di Boechi. Awor aki investigashon tin ku bai mustra ken ta i tabata envolví den e kaso di likidashon di Boechi i tambe kiko por tabata e motibu. E kaso ta den investigashon. Vigilante tin basta detaye pero lo laga e investigashon kana su kaminda pero si esaki bolbe wanta atrobe nos lo bini ku mas informashon.