Segun e komersiante ku ta un hürdó di outo e ta i nada mas.

WILLEMSTAD— E hürdó di outo na Mahuma ku reshèrshinan a hasi bishita na su kas a splika ku enbèrdat e la hür outo ku e hòmber ku nana  detené i nada mas.

E komersiante bon konosí den pueblo ku ta hür outo a sigui splika ku enbèrdat e la hür e hòmber ku a keda detené na Hulanda un vehíkulo. Esaki a sosodé enbèrdat aña pasa.  Bertje a sigui splika ku manera tur  hende ku presentá serka dje pa hür un vehíkulo e ta hasi esaki i e hòmber ku a wòrdu detené na Hulanda tambe a hasi. Tabata aña pasa ku e hòmber a presentá serka dje unda e la bin pa hür un vehíkulo kual e la hasi .  Tabata trata di un Hyundai Accent kolo blanku ku a wòrdu di hür na e hòmber ku a keda detené na Hulanda. Ora ku e fecha di entrega a yega e hòmber a bin trese su vehíkulo manera tur hende ku hür un outo ta hasi. E na su turno a sigui hür su vehíkulo manera ta normal. Tabata den luna di mart pa ta mas eksakto 6  di mart 2023 e la bin komprondé ku su vehíkulo a ser konfiská. Mesora e la bai warda di polis pa asina haña sa e motibu kon bini su vehíkulo a keda konfiská pero no a keda atendé. Despues e la bolbe bai un biaha mas pero a bisé pa warda un ratu i lo komuniká kuné. Grandi tabata su sorpresa djasabra último ku un kantidat di reshèrshi huntu ku e tim di aresto a presentá na su kas pa asina investigashon di e vehíkulo ku a ser di hür.

Ta na e momento ei e la bin haña sa ku supuestamente su vehíkulo di hür lo mester ta envolví den e kaso di likidashon di e hòmber Boechi. E komersiante Bertje a splika ku promé ku djasabra último e no tabata sa nada di kasi di Boechi te pa su vehíkulo mester tabata envolví den esaki.  Esei tabata un motibu ku e la keda hür su vehíkulo normal ku su klientenan.  Awor ku a bira konosí ku  Polis a bini na su kas pa kaso di Boechi e hendenan ya a kuminsá kere ku e ta envolví den e kaso di likidashon di Boechi. Segun  Bertje ta un kantidat di yamada e ta keda haña unda ta puntr’é di e kaso i tambe otronan ku asta ta menas’é. Ya den Kaya esta baho mundu e la bin komprondé ku a manda menas’é ku morto i ku asta a òf lo bai pone sèn riba su kabes pa e kaso di Boechi kaminda e no sa nada di Boechi. E komersiante Bertje  kier pa mundu sa ku e no sa nada di niun kaso di Boechi i ta manera tur kliente ku e tin ta hür outo kuné, e hòmber ku a wòrdu detené na Hulanda tambe a presentá serka dje pa hür outo i e la hasié.  Awor ta investigando pa a saka afó si enbèrdat su vehíkulo por ta envolví den e kaso lamentabel aki.