Back to Top
Responsive image
E korant di pueblo

For di 2018 Hulanda tabata forsa pa Kòrsou kòrta den gastunan di ámtenar


February 18, 2021 • 1 minüt pa lesa

Minister Armin Konket di BPD, no a logra ehekutá e plannan pa baha gastu den aparato públiko.

Punda— Konforme Akuerdo di Kresementu, Kòrsou mester a entrega pa sèptèmber 2019 un plania pa modernisá su Aparato Públiko. Esaki mester tabata basá riba un evaluashon amplio riba e struktura di organisashon den gobièrnu. Hulanda a spera un diagnósis amplio di Kòrsou kon e aktual struktura di servisionan gubernamental ta riba papel i kon esaki ta funshoná den práktika.

Pero te ku 2020, ainda Kòrsou no a logra tuma e pasonan pa konkretisá. Pa mart 2020, Kòrsou mester a presentá un plan di atendementu. Abase di un evaluashon di prosesonan interno den e servisionan, mester a presentá lista di problema i kon tei solushoná esakinan. Hulanda ke mira un solushon den efisiensia i efektividat na e servisionan. Konket i su ministerio no a logra presentá e plan di atendementu.

Pa mart 2020, mester a ehekutá un plan stratégiko di personal. Bolsa di salario di ámtenar ta kostando Kòrsou alrededor di 500 mion florin anual. Esaki inkluso kondishonnan sekundario di trabou, prima di tardansa, penshun ets ets.. Hulanda a sugerí pa presentá un plan stratégiko di kosto, pa por haña un bista kon Kòrsou ta bai atendé ku e kostonan haltu atraves di aña. Tambe Hulanda tabata kier mira un modelo di pronóstiko riba desaroyo di e gastunan di personal. Pa novèmber 2019, for di aña pasá, Kòrsou mester a presentá e plan pa yega na un Government Academy. Esaki tampoko no a bini kla.

Login