ORANJESTAD,—-Di informashon ku Vigilante farándula ta disponé ta duna di konosé ku e front ku ta forma parti di agrupashon musikal Buleria aktualmente ta den studio di grabashon kaminda ku nan ta grabando tres piesa ‘Montuno’.

 Ta asina ku agrupashon musikal Buleria ta den presentashon pa ku nan dos presentashon nan ku nan lo bai tin na Kòrsou den luna di sèptèmber. Buleria lo bai tin dos presentashon riba mes un dia i ta trata aki ku nan tin un presentashon en kombinashon ku agrupashon musikal “ONE FLAVAZ” huntu ku Ray Lauffer i riba e mes un dia nan lo ta den ambiente di bailadores.

Den kuadro di nan presentashon den ámbito di Kòmbèk agrupashon musikal Buleria ta den studio di grabashon kaminda ku nan ta grabando tres ‘Montuno’. Fuente a bisa Vigilante Farándula ku e tres piesa nan ta piesa nan eksistente i den e forma ei Dwight Leoneta a skohe a traha tres potpori,pues tres piesa ku sigur bailadores nan di Kòrsou lo bai kue nan baila nan riba dje.

Vigilante Farándula a drenta den kontakto ku Dwight Leoneta na diferente okashon,pero sin resultado deseá. Tambe Vigilante Farándula a drenta den kontakto ku Jairo Evertsz ku tambe ta forma parti di e tim di maneho di agrupashon musikal Buleria,pero Jairo tampoko no a reakshoná riba e batayon di yamada nan ku Vigilante Farándula a hasi na dje. Si mester bisa ku fuente a konfirmá na Vigilante Farándula ku agrupashon musikal Buleria ta den studio di grabashon kaminda ku nan ta grabando tres piesa den e género musikal di “Montuno”.