Willemstad,– Museo Tula ta wak bek na un eksitoso apertura di siman di kultura, organisá pa tantu Fundashon Museo Tula (FMT) I Gobièrnu di Kòrsou, pa medio di sektor di Kultura. FMT ta organisá pa promé di òktober, dia di Bandabou, su sigiuente marshe.

E marshe nan ku Fundashon Museo Tula (FMT) ta organisá ta karga e nòmber di Akanni. E palabra aki kemen “un enkuentro próspero”. Esaki ta un nòmber Afrikano di e grupo étniko, Yoruba.

E marshe aki ta di 10.00 di mainta te 16.00 di atardi. (FMT) tin bendedó nan(39) ku ta bende diferente tipo di kuminda krioyo manera, desayuno di pan será ku sòpi, òf stobá, tambe pan dushi . Bo por haña lunch manera jambo, diferente stobá, diferente sòpi, pan ku sanger.

Bin sera konosí ku (FMT) artesanonan ku tin diferente tipo di produkto natural, asesorio pa kabei, miel di abeja, diferente tipo zeta, tas i faha di jeans. Tambe bo por kumpra bo matanan
di ekspertonan di mata.

Na mes momentu (FMT) tin un tayer ku bo por partisipá gratis na dje, pa siña traha manera kon ta traha baño di yerba I kon ta traha zeta di koko. Pa e muchanan nos tin weganan di antes,
manera bulamentu den saku. (FMT) ta wardábo.