DEN HAAG—Ministerio di Enseñansa ta bini ku un konseho urgente pa skolnan den kua ta prohibí uso di selular den klas.

Solamente den kaso di urgensia of spesial por permiti. No ta bini un prohibishon legal, pero regla. Ta trata tambe di tablets i smart phones. E medida ta drenta na vigor 1 yanuari 2024 i ta konta pa alumnonan den skol sekundario. Pa skolnan basiko mester tuma desishon ainda. Pa skolmam mbo i avansá e konseho no ta aplikabel. Minister Dijkgraaf (Enseñansa) ta di opinion ku por drenta klas ku un selular solamente si tin un motibu médiko of si mester pa les. Maske selular ta parti di bida, den klas e no mester ta, segun e minister. Aki alumnonan mester konsentra i haña tur espasio pa siña. E ta di opinion ku selular ta strobe e proseso di siña, mester proteha e alumnonan pa esaki. E skolnan mes mester palabra e reglanan i por skohe pa prohibishon genral, pues no solamente den klas. Ultimo lunanan tabatin hopi diskushon riba e prohibishon di smartphones den klas. Ekspertonan a atverti den diferente rapòrt riba e konsekuensianan den klas. E ta bira kasi un adikashon i selebre di hobennan no ta sufisiente desaroyá pa resistensia kontra trilmentu i zonidonan, segun raportnan sientifiko. Alumnonan ku ta muchu riba selular ta skor promedio 1 te 1,5 punto mas abou den pruebanan. E medida ta eksisti kaba den Fransia i Suesia.