Entrante 15 aprel pa 4 siman largu kontratistanan lo hasi trabounan na bògt dilanti Mangusa Rio Canario riba Schotteweg Noord, un bògt ku ta konosí pa demasiado aksidente fatalb

Willemstad, — Gobièrnu ta implementá solushon pa bògt dilanti Mangusa Rio Canario riba Schotteweg Noord, ku ta konosí pa demasiado aksidente fatal. E konstrukshon ta sosodé entrante djaluna 15 \aprel, durante 4 siman, for di 8or di mainta te ku 3.30 di atardi.

Entrante 15 di aprel pa 4 siman largu kontratistanan lo hasi trabounan na bògt dilanti Mangusa Rio Canario riba Schotteweg Noord, un bògt ku ta konosí pa demasiado aksidente fatal. E bògt aki ta konosí pa algun aksidente fatal entre otro e aksidente den kual un hóben Hulandes a okashoná un aksidente fatal den área di Mangusa Rio Canario. E aksidente ku a surgi a finalisá ku dos víktima morto riba dia di e suseso na ougùstùs 2022. Aki dos hòmber di nashonalidat Haitiano a bin pèrdè nan bida ora ku nan a keda alkansá pa e vehíkulo na momento ku nan tabata limpiando kantu di kaminda. Korte penal a dikta un sentensia di trabou obligatorio pa e hóben di 200 ora di trabou obligatorio kombiná ku 18 luna ku e hóben no por manehá un vehíkulo.

E aksidentenan na bògt dilanti Mangusa Rio Canario riba Schotteweg Noord a sòru pa hopi konsientisashon tráfiko pa loke ta trata siguridat di komunidat di Kòrsou i tambe trahadónan riba e kaminda. Pues desde 15 di aprel lo bai atendé ku e bògt peligroso aki. Lo usa un sistema titulá ‘super elevation’ pa alsa siguridat. E sistema aki ta enserá ku ta hasi un parti di e kaya mas elevá. Esaki ta pa evitá ku vehíkulonan ta pèrdè kontròl fásilmente, i ta hasi e maneho di vehíkulo mas fásil. E idea tras di ‘super elavation’ ta pa usa gravedat na bo fabor, enbes di lucha kontra dje. Durante ehekushon di e trabounan aki, lo tin desviashon di tráfiko. Ta pidi tur outomobilista pa kore ku koutela i ta gradisí adelantá pa e komprenshon i pasenshi.