Back to Top
Responsive image
E korant di pueblo

Gobièrnu ta baha debe Aqualectra 10 bai 6 mion florin


June 1, 2021 • 2 minüt pa lesa

Punda—Gobièrnu di Kòrsou, tin un debe na fiansa tèrmino largu di kasi 3.3 miar florin mientras na kréditornan a korto plaso ta kontando kaso 530 mion florin. Di e mion florin na kréditornan un suma di 189 mion florin ta bai na kréditornan general for di kual kasi 8 mion florin na debe na Aqualectra.

E debe nashonal di Kòrsou te ku finalnan di mart ta un total di 3.8 miar inkluso fiansa a plaso i debenan a korto plaso, manera e.o. kréditornan. Aqualectra ta entre e grupo di kréditornan mas grandi di gobièrnu di Kòrsou i ta trata di debenan atras for di entrega di utilidat, awa i koriente na diferente servisio di gobièrnu. E debe original te ku final di mart tabata anotá pa 10.8 mion florin i entretantu gobièrnu a paga pa baha e debe na Aqualectra. Otro debe mionario mas ku gobièrnu tin ta riba su pagonan na Fondo di Penshun Kòrsou, APC. Segun e reportahe finansiero di mart ta trata di 92 mion florin na debe ku gobièrnu di Kòrsou tin na APC. Ta bini aserka tambe e debenan riba pagonan di prima na SVB ku ta suma 47 mion florin. Entre e tres entidatnan aki gobièrnu ta suma un debe di kréditor na un total di 149 mion florin.

Manera menshoná, gobièrnu tin registrá 3.3 miar na debe a largo plaso i mayoria ta debenan suministrá via fiansa di Hulanda. Ta trata di debenan riba emishon di bon ku ta sirkulá entre 2010 pa 2049 komo fecha di madures (kanselashon). Entre e debenan aki ta inkluí 670 mion florin pa Fondo di Sosten riba krísis di Covid i finansiamentu pa sanea tenedónan di kuenta na Giro pa 170 mion florin. E 670 mion florin ta repartí entre sosten di likides i fiansa riba emishon di bono.

Pa lokual ta trata e debe na fiansa di 3.3 miar florin serka Hulanda, ta inkluso kasi 1.6 miar florin ku restrukturashon di 10-10-10 a trese kuné. Na 2020, Kòrsou mester a paga 82 mion florin for di e 1.6 miar florin pero Hulanda a kambia e tèrmino i manda e kanselashon te na 2035. Sobrá komponentenan di Kòrsou su debe ta emishon di debe riba fiansa di bono kual mayoria ta Hulanda mes a kumpra. Finalmente a bini aserka 700 mion di sosten likides na 2020. kual tambe a keda apuntá komo un fiansa den forma di bono, parsialmente



Login