Sta Maria – Konsiderando e kantidat di grupo ku ta partisipá na e gran marcha di Karnaval 2024, minister di Enseñansa, Siensia, Kultura i Deporte (ESKD) sr. Sithree van Heydoorn ta partisipá ku gran marcha djadumingu, 11 di febrüari 2024, ta sali 1 or di mèrdia. Esaki ta un desishon ku a tuma den konsulta ku minister di Hustisia sr. Shalton Hato, Kuerpo Polisial, Asosiashon Gruponan Karnaval Kòrsou (AGKK) i Fundashon Desaroyo Karnaval Kòrsou (FDKK).

E desishon akí ta duna espasio na públiko i gruponan pa nan por kaba di prepará kualkier eventualidat ku por tin ainda djadumingu mainta. Ta pidi gruponan ku ta partisipá na e marcha pa tuma bon nota di e desishon. Na mes momentu ta hasi un apelashon na gruponan pa tur partisipante i tur trailer i/of otro vehíkulo ta na tempu na e lokalidat akordá ku tantu FDKK i AGKK. Asina e marcha por sali na ora, pa terminá na tempu konforme e dekreto emití pa Ministerio di Hustisia.

Minister di ESKD sr. Sithree van Heydoorn ta deseá henter Pueblo di Kòrsou un felis Karnaval 2024. Ban selebrá karnaval di forma responsabel ku rèspèt i desensia tantu pa nos kuerponan di hermandat, pero tambe pa nos mes komo bon YdK.