ROTTERDAM—Haf di Rotterdam mester di míles di personal èkstra den proksimo añanan debi na transishon di energia.

Aktualmente tin mas di 8 mil vakatura. E merkado laboral den tereno di haf ta kambia drastikamente den proksimo pa motibu di e transishon na energia renobabel. Ku esaki funshonnan eksistente ta keda aliminá i ta bini funshonnan nobo segun haf di Rotterdam. Algun partidonan bou di kua Deltalinqs, Havenbedrijf Rotterdam, munisipio Rotterdam, Hogeschool Rotterdam, Techniek College Rotterdam i Scheepvaart Transport College (STC), kier atende e problema huntu. Nan a firma un deklarashon di intenshon pa forma un Human Capital Coalitie Energietransitie. Nan ta dirigí riba un maneho konhunto pa mantene sufisiente personal kalifiká.